Ky ushtrim nxit metabolizmin dhe ndihmon të ngrihemi me humor të mirë, meqenëse pengon pagjumësinë
Agaseki ndihmon që trupin e pastërvitur ta përgatitni për ushtrime më intensive. Nëse rregullisht do të bëni këtë ushtrim, jo vetëm që do të humbni shtresat e tepërta në ijët dhe stomak, por do të bëheni më elastik.
Edhe nëse përtoni të ushtroni, ndani tre minuta për këto ushtrime, të cilat trupin tuaj do ta bëni më të bukur.
Ushtrohet me stomak të thatë
1. Shtrihuni në dysheme dhe relaksohuni. Qëndroni ashtu 30 sekonda.
2. Ngrini këmbët dhe lakoni si bretkosë: me duar bashkoni të dy shputat.
Do të ndieni se si ju tendosen muskujt e barkut, të shpinës, pjesa e brendshme e kërdhokullave. Kjo do të thotë që ushtrimin e bëni drejt.
3. Qëndroni në atë pozicion 15 sekonda dhe bëni 3 frymëmarrje të ngadalshme.
4. Ngrini ngadalë kokën dhe tërhiqeni majën e kokës drejt gishtave të mëdhenj të këmbëve. Me atë rast mos e tendosni qafën, por gjithë pjesën e sipërme të trupit.
Qëndroni në atë pozicion 10 sekonda, duke marrë frymë thellë.
5. Me rastin e nxjerrjes së frymës ngadalë lëshoni kokën dhe shtrini këmbët. Qetësohuni dhe qëndroni në atë pozicion 15 sekonda.
Ky ushtrim nxit metabolizmin dhe ndihmon që të ngriheni nga shtrati të ngopur me gjumë dhe me humor të mirë.
