Tipi 2 i diabetit është sëmundje e zakonshme ku trupi i një personi dështon të prodhojë mjaftueshëm insulinë dhe kjo pastaj ndikon në rritjen e nivelit të sheqerit në gjak.
Simptomat e kësaj sëmundje përfshijnë humbje të shpejtë të peshës, shikim të turbullt, etje të tepërt dhe urinim të shpeshtë.
Fatmirësisht, ata që vuajnë nga tipi 2 i diabetit mund t’i largojnë simptomat përmes ilaçeve.
Megjithatë, ndryshimet e thjeshta në stil të jetesës mund të ndihmojnë në largim të shenjave të kësaj sëmundje.
1: Kujdes me peshën!
Nëse jeni diagnostikuar së fundmi me tip 2 të diabetit ose keni qenë të sëmurë për një kohë të gjatë, është shumë e rëndësishme të kujdeseni për peshën.
Tipi 2 i diabetit shpeshherë ndërlidhet me mbipeshë.
Duke humbur peshë, e posaçërisht në pjesën e belit, ju mund ta përmirësoni aftësinë për ta toleruar glukozën.
2: Ushtrimet fizike
Kur bëhet fjalë për menaxhimin e tipit 2 të diabetit, ushtrimet fizike janë të domosdoshme sepse e ndihmojnë trupin t’i reagojë insulinës, t’i mbajë ulët nivelet e sheqerit në gjak dhe ta menaxhojë peshën.
3: Sheqeri
Konsumimi i tepërt i sheqerit në periudhë afatgjate jua rritë rrezikun për tip 2 të diabetit.
Prandaj, është e rëndësishme që të zgjedhni çokollatë të zezë.
Çokollata e zezë dhe pluhuri i kakaos përmbajnë antioksidantë të cilët e përmirësojnë rezistencën e insulinës, ju mbrojnë nga sëmundjet e zemrës, etj.
Megjithatë, sigurohuni se çokollata i përmban të paktën 70% kakao.
4: Dieta
Sheqeri është një mënyrë e mirë për ta menaxhuar diabetin, por ndryshimi i tërësishëm i dietës mund të ndihmojë edhe më shumë në zvogëlimin e rrezikut.
Hulumtimet sugjerojnë se mishi i kuq ose i përpunuar e zvogëlojnë insulinën dhe ushqimet me indeks të lartë glicemik, siç janë çipsat dhe buka e bardhë, mund të shkaktojnë rritje të mëdha në nivele të sheqerit në gjak.
Prandaj, ekspertët rekomandojnë të hani ushqime të bazuara në bimë ose tërshërë, pemë, peshk, fasule dhe perime.
