Koliti spastik ose sindroma e zorrës së irrituar është një ndër patologjitë më të shpeshta të diagnostikuara këto vitet e fundit. Në përgjithësi thuhet se kjo sëmundje nuk ka moshë, por fillesat e saj mund të shfaqen që rreth moshës 15-vjeçare, duke u bërë të shpeshta me kalimin e viteve.
Dieta e varfër ushqimore, abuzimi me ushqimet e yndyrshme dhe të thata, konsumi i tepruar i alkoolit dhe jeta sedentare janë disa prej shkaqeve kryesore që çojnë në shfaqjen e kolitit, ku ndër simptomat kryesore përmendim dhimbjet e barkut, diarrenë, gazra në aparatin tretës, kapsllëk dhe vështirësi në jashtëqitje. Më poshtë kemi disa këshilla rreth ushqimeve që duhet të kosnumoni rregullisht në qoftë se vuani nga koliti:
Kosi: Kosi është një ndër ushqimet që nuk duhet të mungojë kurrë në regjimin ushqimor të personave që vuajnë nga koliti. Ai ka në përmbajtjen e tij acid laktik, një substancë që lufton inflamacionin e sistemit tretës dhe veprimin e radilave të lira në organizëm.
Ujë patatesh: Zakonisht jeni mësuar të hani patate të ziera, të skuqura ose në formë pureje, por jo më pak i vlefshëm është edhe uji i tyre. Ky lëng ka fuqi alkaline, lufton kolitin dhe diarrenë, si dhe përmirëson aktivitetin e sistemit tretës. Lëngun pijeni vazhdimisht gjatë ditës.
Uji i orizit: Sikundër lëngu i patateve, edhe uji i orizit është shumë i këshillueshëm në qoftë se keni probleme me kolitin. Rregullon pH-in natyral të stomakut, redukton inflamacionin dhe irritimin e zorrës së trashë dhe rrit numrin e baktereve të mira në sistemin tretës.
Karrota është e pasur me fibra dhe përbrës me veti anti-inflamatiore që rrit florën bakterale të zorrëve dhe i mbron ato nga veprimi i radikaleve të lira. Konsumi i përditshëm i karrotave dhe lëngut të tyre ëprmirëson ndjeshëm sistemin tretës.
Banania përmban shumë fibra të tretshme në ujë, ku ndër më të rëndësishmet është pektina, e cila pasi përthithet nga sistemi tretës, normalizon vlerat e pH-it në zorrë dhe parandalon diarrenë dhe kapsllëkun.
