Gratë kanë më shumë rrezik për goditje në tru dhe kanë simptoma të ndryshme të goditjes sesa burrat.
Studimi i ri tregon një ndryshim tjetër: efikasitet më i ulët në trajtimin e arterieve karotide është një faktor kryesor rreziku për goditje në tru.
Një nga sëmundjet karotide – stenoza vaskulare, është shkaktuar nga ndryshimet aterosklerotike në murin e arteries karotide. Pastaj pllaka ndërtohet dhe arteriet ngushtohen, gjë që rrit rrezikun e goditjes në tru.
Kirurgjia për heqjen e pllakës, një procedurë e quajtur endarterektomia, përdoret për të zvogëluar këtë rrezik. Studiuesit zbuluan se pjesëmarrësit me simptoma përfshirë ndërtimin e pllakave në endarterektomitë e murit të arteries, ishin më efektivë te burrat, me 11.1 për qind të grave që kishin një goditje brenda pesë vjetëve pas kryerjes së operacionit, krahasuar me 8.9 për qind të burrave.
“Burrat dhe gratë janë të ndryshëm dhe ndonjëherë sëmundja e tyre mund të kërkojë një qasje të ndryshme për trajtimin,” tha Nivedita Ramkumar, studiuese kryesore e studimit pranë Institutit Dartmut për Politikë Shëndetësore dhe Praktika Klinike.
“Për shkak se studimi ynë zbuloi se gratë marrin më shumë sulme në tru sesa burrat, kjo mund të nënkuptojë që trajtimi i tyre, në këtë rast endarterektomia, nuk është aq i efektshëm sa është për burrat”, shtoi ajo.
Studimi paraprak është prezantuar në një seancë shkencore të Shoqatës Amerikane të Zemrës në Filadelfia.
Sulmi në tru është ndër shkaqet kryesore të vdekshmërisë në botë. Goditja ishemike ndodh kur qarkullimi i gjakut në një pjesë të trurit është i bllokuar. Arteriet karotide janë enë gjaku në secilën anë të qafës që mbartin gjak në tru dhe fytyrë.
Sëmundja e arterieve karotide shkakton rreth 15 për qind të të gjitha goditjeve ishemike. Faktorët e rrezikut për sëmundjen e arterieve karotide përfshijnë plakjen, pirjen e duhanit, presionin e lartë të gjakut, kolesterolin e lartë, diabetin dhe uljen e aktivitetit fizik.
Shkalla e grumbullimit të yndyrës në arteriet përcakton opsionet e trajtimit. Rreth pesë për qind e njerëzve që kanë depozita yndyre që mbushin më shumë se 70 për qind të arterieve karotide do të kenë sulm në tru brenda pesë vjetësh.
Nëse qarkullimi i gjakut është vetëm pak i kufizuar, njerëzit shpesh trajtohen me ilaçe për të kontrolluar faktorët që kontribuojnë në të, të tilla si kolesterol të lartë ose presion të lartë të gjakut. Nëse bllokimi është i rëndë, rekomandohet kirurgji për heqjen e pllakës. Endarterektomia është zakonisht opsioni i preferuar.
“Shpresoj se gjetjet nga studimi ynë do të çojnë në përpjekje të rritura që të paktën 50 për qind e pjesëmarrësve në provat klinike kardiake të jenë gra. Gjinia është shumë e rëndësishme, për shkak të dallimeve ekzistuese, për të kuptuar efektet e këtyre trajtimeve dhe rezultatet e tyre afatgjata”, tha Ramkumar.
