Ka një debat të ashpër në të gjithë botën se cila është mënyra më e mirë për të parandaluar përhapjen e koronavirusit, me disa vende që marrin masa radikale për të shmangur katastrofën.
Profesori Isaac Ben-Izrael ka bërë pretendime të diskutueshme për Covid-19, të cilat kanë marrë kritika të ashpra.
Kreu i studimeve të sigurisë në Universitetin e Tel Aviv tha se çdo përpjekje për të ndaluar përhapjen e virusit do të çonte në të njëjtin rezultat, pasi virusi është “vetë-kufizues” dhe arrin maksimumin pas 40 ditësh, pas së cilës fillon të bjerë ndjeshëm, transmetojnë mediat britanike.
Ai pohon se përqindja ditore e të infektuarve fillimisht është rreth 30 për qind, dhe se bie në 10 për qind pas gjashtë javësh, duke arritur përfundimisht në një nivel më pak se pesë për qind në javë më vonë.
“Analiza jonë tregon se ky është i njëjti model në të gjitha vendet. Çuditërisht, ky model është i zakonshëm për vendet që kanë ndërmarrë një karantinë të ashpër, duke paralizuar kështu ekonomitë e tyre, dhe për vendet që kanë politika më të buta dhe vazhdojnë me rutinën e tyre të përditshme, “tha kryetari i Këshillit Kombëtar të Kërkimit dhe Zhvillimit të Izraelit.
Sidoqoftë, asnjë shtet nuk ka zbatuar masat e distancës shoqërore dhe mbrojtjes kundër koronavirusit dhe sipas profesorit Ben-Izrael është e vështirë të bëhen krahasime.
I pyetur se koronavirusi do të vdiste pa asnjë ndërhyrje, Ben-Izrael thjesht u përgjigj se “nuk ka asnjë shpjegim”.
“Ka supozime të ndryshme. Ndoshta është e lidhur me klimën ose virusi ka një jetë”, përfundoi ai.
Ben-Izrael theksoi se ai ishte sidoqoftë një përkrahës i distancës shoqërore dhe se kjo masë e thjeshtë do të ishte e mjaftueshme dhe se karantina nuk ishte e nevojshme.
