Është e pamundur ta mendosh Turqinë pa një filxhan çaji. Turqit e duan shumë çajin dhe, në fakt, ata janë një nga tre konsumatorët kryesorë në të gjithë botën. Një gotë çaji i zi është nganjëherë shoqëruesi më i mirë i një mëngjesi të pasur turk ose gjëja e parë që ju vjen në mendje pas punës së një dite të vështirë.
Edhe pse ekzistojnë shumë lloje çaji, duke përfshirë çajrat bimorë, çajin e bardhë, çajin jeshil etj., çaji i zi konsumohet më gjerësisht jo vetëm në Turqi, por në të gjithë botën. Prandaj, nëse jeni të varur nga çaji i zi, ka disa lajme të mira. Shkencëtarët kanë zbuluar përfitimet e çajit të zi dhe ai thjesht mund të jetë më i shëndetshëm nga sa mendoni.
Më poshtë janë disa prej të mirave që vijnë nga pirja e dy flixhanëve çaj i zi.
Polifenolet dhe katekinat në çajin e zi besohet se parandalojnë disa lloje të kancerit.
Polifenolet në çajin e zi gjithashtu parandalojnë dëmtimin e ADN-së.
Rreziku i goditjeve në zemër është 21% më pak te njerëzit që pijnë deri në katër filxhanë çaj të zi në ditë sesa ata që nuk pijnë fare.
Çaji i zi është provuar gjithashtu se ndalon akumulimin e yndyrës rreth belit në masë të konsiderueshme. Ky lloj çaji është gjithashtu një mundësi e pijeve të shëndetshme nëse jeni në dietë.
Pirja e dy gotave çaj të zi në ditë është provuar gjithashtu se ul nivelin e kortizolit, hormonit të stresit, në gjakun tonë.
Duke pirë dy gota çaj të zi me një fetë limoni, mund të keni forcë antioksiduese.
Fitokimikatet në çajin e zi forcojnë gjithashtu kockat dhe rritin densitetin e kockave.
