Mes paralajmërimeve për një valë të dytë të koronavirusit në vjeshtë ose dimër, OBSH thotë se nuk ka prova që tregojnë se virusi do të bëhet më agresiv me ndryshimin e stinëve.
Sipas kreut të programit të emergjencave, Mike Ryan edhe ndikimi i verës te koronavirusi i ri, është i paqartë.
“Momentalisht, nuk kemi të dhëna që të sugjerojnë nëse virusi do të bëhet më agresiv apo jo me ndryshimin e stinëve. Nuk mund të mbështetemi në pritshmëritë se ndryshimi i temperaturës do të jetë përgjigjja. Duhet të fokusohemi te masat e shëndetit publik, higjiena dhe strategjitë që kanë rezultuar efikase në frenimin e përhapjes së pandemisë”, tha Ryan
