Gargari ka potencialin për t’iu mbrojtur kundër infeksionit COVID-19 duke vrarë koronavirusin përpara se të infektojë qelizat njerëzore, sipas një raporti të ri.
Koronaviruset i përkasin klasës së viruseve të “mbështjellura”, që do të thotë se ato janë të mbuluara nga një shtresë yndyrore që është e ndjeshme ndaj kimikateve të caktuara, shkruajnë mediet e huaja,
Një ekip studiuesish ndërkombëtarë thonë se larja e gojës mund të shkatërrojë shtresën më të lartë të virusit, duke parandaluar riprodhimin e tij në gojë dhe fyt.
Shkencëtarët thonë se ekziston një nevojë urgjente për të testuar efektivitetin e gargarit në testime, megjithëse aktualisht nuk ka asnjë provë klinike që tregon se është e suksesshme.
Organizata Botërore e Shëndetit ka thënë tashmë se “nuk ekziston asnjë provë që përdorimi i gargarës do t’ju mbrojë nga infektimi me koronavirusin e ri”.
Autorët e studimit nuk thonë se gargara komerciale në dispozicion parandalon COVID-19, por që hulumtimi i mëtutjeshëm mbi kimikatet e gargarës mund të jetë i dobishëm.
