Ushtrimi përfundimisht mund të shërojë çdo gjë, madje edhe zorrët dembele!
Nëse çdo ditë do t’i bëni këto pesë ushtrime, do t’i shëroni zorrët dembele, ndërkaq rezultati është puna e mirë e sistemit të tretjes, eliminimi i dhembjeve dhe i fryrjes së stomakut, humbja e peshës dhe pengimi i kapsllëkut!
1. Rotacioni i këmbëve
Shtrihuni në dysheme. Torzoja dhe koka janë të palëvizshme. Ngrini këmbën e majtë (nuk bën të jetë e lakuar), sa të mundeni, por që të ndiheni mirë, dhe bëni lëvizje rrethore nga ana e majtë në të djathtën dhjetë herë, pastaj nga e djathta në të majtën gjithashtu dhjetë herë.
Përsëriteni me këmbën tjetër. Lëshoni këmbët poshtë dhe pushoni, pastaj ngrini të dy këmbët njëkohësisht dhe bëni lëvizje rrethore nga dhjetë herë në të dy drejtimet.
Sa më lart të jenë të ngritura këmbët, aq më lehtë do ta bëni ushtrimin. Nëse dëshironi që njëherësh të forconi edhe muskujt e barkut këmbët duhet të jenë të ngritura maksimalisht nën këndin prej 45 gradësh.
2. “Vozitja e biçikletës”
Kujtoni këto ushtrime nga fëmijëria. Atëherë ato na ishin lojë, mirëpo tani mund të na bëhen ilaç. “Vozitni biçikletën” në ajër, në atë mënyrë që “do t’i lëvizni “pedalet” dhjetë herë në drejtim përpara dhe dhjetë herë “prapa”.
Ushtrimi bëhet me njërën këmbë, një herë me njërën pastaj me tjetrën, pastaj “vozitet” me të dy këmbët. Të gjitha përsëritjet bëhen dhjetë herë.
Nëse me rastin e këtij ushtrimi ndieni dhembje apo nuk ndiheni mirë, ndërpriteni ushtrimin.
3. Shputat e mbyllura
Ky ushtrim stimulon të gjithë sistemin dhe organet e abdomenit. Pos te tretja e keqe dhe te zorrët dembele, do t’ju ndihmojë edhe që të liroheni nga gazrat.
Ngrini këmbën të lakuar në gju dhe përpiquni që kërdhokullën ta ngjitni për gjoksi. Mundeni gjurin ta tërhiqni me dorë drejt vetes. Merrni frymë thellë dhe nxirrni frymën.
Gjatë nxjerrjes së frymës ndërpriteni frymën dhe atëherë ngrini kokën në atë mënyrë që hunda të prek gjurin (nëse mundeni). Bëni dhjetë përsëritje.
4. “Shtigjet anësore”
Vërejtje: Këtë ushtrim nuk bën ta bëjnë njerëzit që janë të lënduar dhe ata me sëmundje të kurrizit.
▪ Lakoni këmbët në gjunjë dhe tërhiqni drejt gjoksit. Lakoni bërrylat, gërshetoni gishtat dhe vini pas kokës (ashtu siç bëhen ushtrimet e muskujve të barkut). Bërrylat mbani fort të ngjitur për dysheme. Këmbët lëvizni djathtas dhe majtas nga dhjetë herë.
▪ Lakoni këmbët në gjunjë dhe “përqafoni” – me ndihmën e të dy duarve tërhiqni drejt gjoksit. Pastaj luhatuni para-prapa nga dhjetë herë në të dy drejtimet.
5. “Drejtuesi i lundrës”
Gjatë marrjes së frymës, ngrini kokën, pjesën e torzosë, duart dhe këmbët (të shtrira) nga dyshemeja jo më shumë se 3 cm. Mbani sa të mundeni, pastaj duke nxjerrë frymën kthehuni në dysheme në pozicionin fillestar. Përsëriteni 5 herë. Është mirë t’i mbani derisa muskujt të mos fillojnë të shkunden.
Vërejtje: Të gjitha ushtrimet bëhen në pozicionin e shtrirë. Nuk bën të ndodhin dhembje: në atë rast ndërpritni ushtrimet.
Pas çdo ushtrimi shtrijuni dhe pushoni derisa të vendoset frymëmarrja normale.
