Ambasadori i BE-së, Luigi Soreca ka reaguar pas shqetësimit të ambasadores amerikane, Yuri Kim për marrëveshje të fshehtë për të sabotuar reformën në drejtësi.
Sipas Soreces, reforma në drejtësi vijon dhe duhet të ruhet. Ai shton po ashtu se nuk është koha për të rihapur diskutime për bazat e saj.
“Zbatimi i reformës në drejtësi vazhdon dhe duhet të ruhet. Nuk është koha për të rihapur diskutimin mbi bazat e tij, por për të rritur efikasitetin e saj dhe forcimin e burimeve që disponohen. Shqiptarët meritojnë të kenë drejtësi të pavarur të përditshme si dhe për të cuar përpara Shqipërinë në rrugën e saj të pranimit në BE”.
