Kryeministri Rama është shprehur sot se bizneset që kanë përfituar nga paketa e parë dhe e dyte ekonomike do të vijojnë të marrin pagat e luftës edhe pse do hapen.
Ai tha se deri tani 7.5 mld lekë të reja kanë shkuar për të paguar pagat e luftës për punëtorët që u prekën nga mbyllja e bizneseve për shkak të COVID-19.
“Sa i përket biznesit, kemi shqetësime për pagat por janë të lidhura me aspekte teknike. Nuk janë përgjegjësi e institucioneve. Problemet me IBAN-in është një nga problemet. Është një pjesë e vogël, procesi i korrigjimit kërkon kohën e tij. Ka edhe nga ata që nuk kanë aplikuar fare dhe nuk e di nga e presin. Tatimet i thonë ejani aplikoni.
Kam dëgjuar komente të ventilatorëve mediatikë. Baret dhe restorantet do të happen të hënën dhe do të marrin pagën e dytë dhe të tretë. Po kështu edhe gjithë të tjerët. Ne akoma kemi proces për të zhvilluar. Të gjitha këto po i ndjekim përditë. Të gjithë do të marrin atë që iu takon. Kjo është pak por e sigurtë. Nuk janë pak por janë dhjetra mijëra, sot që flasim 7.5 mld lekë të reja të paguara dhe do të vazhdojmë”, tha Rama.
