Tenderi korruptiv miliona dollarë në Ministrinë e Shëndetësisë së Zimbabve, kush është shqiptari i përfshirë. Në hetime edhe Interpoli
Një shqiptar është përfshirë në një skandal tenderash në Zimbabve të Afrikës. Mediat vendase shkruajnë se për skandalin e tenderave në fushën e shëndetësisë dhe blerjen e materialeve për Covid-19, është një biznesmen me lidhje me familjen e Presidentit Emmerson Mnangagwa.
Biznesmeni ka përfituar një kontratë prej 42 milion dollarë amerikanë për të blerë materiale përkundër se burri kishte dhënë dy herë informacione të rre për autoritetet.
Delish Nguwaya, i cili thuhet se ka lidhje me djemtë e presidentit të vendit, ka dalë në gjykatë.
Puna e ministrit të shëndetësisë Obadiah Moyo tani është vënë seriozisht në dyshim, pas agjencia kundër korrupsionit, Zacc, tha se po hetonte edhe ministrin mbi këtë çështje. Moyo dha tenderët e kompanisë “Nguwaya Drax Consult SAGL” prej miliona dollarë për furnizimin e materialeve Covid19.
“Në vitin 2019, personi i akuzuar u lidh me IIir Dedja, akoma i lirë, i cili shprehu interes për furnizimin e ilaçeve përmes një lehtësie kredie 20 milion dollarë amerikanë nën një kompani të quajtur ‘Papi Pharma’ dhe ajo u rrëzua pas një procesi të vetingut nga departamenti përkatës i qeverisë”, thuhet në dokumentin e prokurorisë atje.
Dedja, një 51-vjeçar shqiptar i lindur në fshatin Sefaraj, thuhet se ka udhëtuar më parë në Zimbabve për të takuar Mnangagwa, Nguwaya dhe zyrtarë të tjerë të rangut të lartë.
Nguwaya gjoja paraqiti një ofertë tenderi të ri nën emrin e një kompanie tjetër.
“Për një periudhë të shkurtër pasi shprehja e interesit e ‘Papi Pharma’ u hodh poshtë, Ministria e Shëndetësisë mori nga person i akuzuar një shprehje interesi të datës 22 gusht 2019 për një strukturë të ngjashme mjekësore prej 20 milion dollarësh, tani nën emrin e një kompanie të quajtur Drax Consult SAGL, ”dëgjoi gjykata.
Akuza pretendon gjithashtu se në shprehjen e interesit, Nguwaya dhe Dedja pretenduan se “Drax Consult SAGL” ishte një kompani farmaceutike me bazë Zvicrën, kur në realitet ishte thjesht një kompani këshilluese dhe pa asnjë përvojë në prodhimin ose furnizimin me barna dhe produkte mjekësore.
Shteti pretendoi gjithashtu se kontrata për tenderi ishte nënshkruar dhe Nguwaya bashkëngjiti nënshkrimin e tij si përfaqësues i vendit për Drax Consult SAGL dhe Dedja si pronar i saj.
Kontrata prej 2 milion dollarësh amerikane dhënë “Drax” do të thoshte që kompania do të furnizonte me produkte medicinale Ministrinë e Shëndetësisë dhe Kujdesit për Fëmijët.
Nguwaya gjithashtu po përballet me një akuzë tjetër mashtrimi, ku raportohet se ka ofruar një tjetër shprehje interesi duke përdorur Drax International LLC për furnizimin e produkteve me vlerë 40 milion dollarë amerikanë.
“Në bazë të besimit nga angazhimi i mëparshëm, qeveria lidhi një kontratë me kompaninë për furnizimin e ilaçeve me vlerë 40 milion dollarë amerikanë,” thanë prokurorët e shtetit.
“Çështja doli në dritë pas një varianti të dukshëm të çmimeve të ngarkuara nga Drax International LLC për ato që mbizotërojnë në treg. Kontrollet e mëtutjeshme konfirmuan që Drax International dhe Drax Consult SAGL ishin thjesht kompani këshilluese dhe jo prodhues të barnave medicinale“.
Interpol që nga ajo kohë është përfshirë në hetimet për pastrimin e parave nga Drag Consult SAGL.
Artikulli origjinal Këtu
