Një tjetër pacient ka ndërruar jetë këtë të martë në spitalin infektiv të Tiranës, duke e çuar numrin total të viktimave të Covid në 46.
Lajmin e konfirmon Ministria e Shëndetësisë, e cila bën me dije se ka ndërruar jetë një 65 vjeçar nga Tirana, i shtruar në terapi intensive. Ministria thekson se viktima e rradhës e koronavirusit, vuante nga sëmundje si diabeti dhe policitemia.
“Pas disa ditësh i shtruar në spital në terapi intensive, një 65 vjeçar nga Tirana ka humbur jetën, megjithë përpjekjet e mjekëve. 65-vjeçari i konfirmuar me Covid19 vuante edhe nga diabeti dhe policitemia. Nga fillimi i epidemisë, 46 qytetarë e kanë humbur betejën me COVID19. Ministria e Shëndetësisë i shpreh ngushëllime familjes së të ndjerit dhe u bën apel gjithë qytetarëve që të mos e ulin vigjilencën, por të zbatojnë rregullat e vendosura, si e vetmja mënyrë për të mbrojtur veten dhe të afërmit.”-njoftoi Ministria e Shëndetësë.
