Një 51-vjeçar ka varur vetën me çarçaf në burgun e Fierit. Burime për “Panorama” konfirmojnë se i burgosuri e vari veten në tualetin e paraburgimit.
Mësohet se i burgosuri është shtetasi me iniciale B.Z., banues në Mallakastër, por kishte përfunduar në paraburgim, pasi ishte dënuar për veprën penale trafikim i lëndëve narkotike.
Sapo është konstatuar ngjarja e rëndë ka ndërhyrë menjëherë policia dhe ambulanca, por fatkeqësisht i burgosuri ka ndërruar jetë në spital.
Ende nuk ka të dhëna lidhur me arsyet që e çuan 51-vjeçarin në ndërmarrjen e këtij akti të rëndë, por pritet njoftimi i policisë për më shumë detaje.
