Këtë të hënë, Shqipëria ka hapur zyrtarisht kufijtë ajrorë me vendet e huaja, për të gjithë shqiptarët që janë të pajisur me dokumente të rregullta të vendeve të bashkimit evropian.
Mundësi për të fluturuar do të kenë dhe ata që kanë probleme të rënda shëndetësore, apo udhëtojnë për çështje biznesi, por në aeroportin e Rinasit, mbizotëronin emigrantët, që kishin mbetur në atdhe që në muajin mars.
“Kemi ardhur qysh në 8 mars, erdhëm për dy javë dhe ngelëm këtu. se kam edhe vajzën invalide dhe shyqyr që u hapën.”
“Unë kam 3 muaj këtu. kam qëndruar te motra ime.”, kanë deklaruar qytetarët .
Për të zbatuar masat, pasagjerët dhe stafi dezinfektoheshin në hyrje të terminalit, i cili ishte i mbyllur për këdo tjetër.
Pasagjerët e përshëndetën vendimin, megjithatë, çmimet e biletave i konsideruan të larta.
“Shtrenjtë e bleva, 289 euro. Ma preu burri online.”, thotë një qytetare.
Por shtetasit e huaj nuk kanë asnjë kufizim për të aksesuar vendin tonë. Brenda terminalit, task-forca e ngritur vijon kontrollet për temperaturën. Ndërkaq pritet që kufijtë të hapen për të gjithë qytetarët pas datës 1 korrik.
