Kryetarja e bashkisë së Shkodrës Voltana Ademi, ka reaguar për protestat e ndodhura ditëne djeshme për shkak të prishjes së Teatrit Kombëtar.
Përmes një postimi në Facebook, Ademi shkruan se është detyrë e të gjithëve të japë kontributin e tij në këto momente të vështira.
Sipas saj demokracia është në rrezik pasi kryeministri nuk pyet për intitucione por nëpërkëmb këdo që e kundërshton
Postimi i plotë
”Është detyrë e çdonjërit prej nesh, e çdo shqiptari të japë kontributin e tij për Shqipërinë, në këto momente shumë të vështira!
Nuk është çështje partish, nuk është çështje thjesht e zëvendësimit të një qeverie me një tjetër!
Është çështje e DEMOKRACISË që sot është në rrezik më shumë se asnjëherë!
Ky kryeministër, jo vetëm nuk pyet për institucione, jo vetëm nëpërkëmb çdokënd që e kundërshton, jo vetëm shkel liritë e të drejtat më elementare të qytetarëve, por dhunon ditën për diell edhe në fokusin e mediave gazetarë, studentë, të rinj e të moshuar!”
