Një 18-vjeçar, nga fshati Dypajak i Dibrës, është shpallur i humbur nga familjarët që prej ditës së djeshme.
I riu, i identifikuar si Ardian Pali, ishte drejtuar për në Malin e Korabit, për të mbledhur lule medicinale, të cilat dhe i shiste.
Por, ndryshe si zakonisht, herën e fundit që shkoi në mal, ai nuk u rikthye më në shtëpi. Për herë të fundit, Ardiani, është parë në vendin e quajtur “Përroi i thellë”, pranë Rekës së Sipërme.
Familjarët bëjnë me dije se janë angazhuar vullnetarisht dhe po bëjnë kërkime në të dyja anët e Korabit. Ata dyshojnë paraprakisht, se familjari i tyre, mund të jetë sulmuar nga egërsirat dhe të ketë ndërruar jetë.
