I ftuar në “Tempora”, gazetari Spartak Koka u shpreh drejtuesit e ministrisë së Brendshme nuk e kanë raportuar kultivimin e kanabisit në vend, por e kanë mbajtur të fshehtë.
Sipas Kokës, deklaratat e Ramës për legalizimin e kanabisit vjen në një vit elektoral dhe, sipas tij, grupet kriminale kanë marrë zemër e kanë nisur kultivimin e lëndëve narkotike.
Koka: Është dhënë si udhëzimin nga drejtuesit e ministrisë së Brendshme nëse do të kapeshin lëndë narkotike në qarqet më problematike, ato të mos raportoheshin në raportet e policisë. Pra, janë kapur vitin e kaluar parcela nga 3000-10 000 rrënjë, por ne nuk kemi letër. Këtë e përforcon kryeprokurori i cili është shprehur se nuk ka raporte dhe analizë nga policia për vitin e kaluar.
Kjo duhet sqaruar, kush gënjen: prokurori i përgjithshëm që përmend rritjen e kultivimit të kanabisit, gënjen RAI 3 me një reportazh, apo ministria e Brendshme duke na dhënë statistika të manipuluara. Ka një mungesë transparence.
Propozimi i Ramës vjen në mes të pandemisë dhe në mes të një krize financiare. Legalizimi i kanabisit po ndodhi do të centralizohet në duart e disa personave. Nuk do të ketë përfitimi për shoqërinë, nuk do të mbjellin ata banorët e varfër. Publiku nuk e kupton të të vërtetë.
Kjo nisëm për legalizimin e kanabisit lidhet me pastrimin e parave dhe vjen 1 vit para vitit elektoral. Kështu ndodhi edhe në vitin 2016 ku u masivizua prodhimi i kanabisit. A do të ketë kjo ndihim te zgjedhjet? Kjo mbetet për tu parë.
Kemi informacioni që pas deklaratave të kryeministrit, grupet kriminale kanë marrë zemër dhe ka nisur kultivimi e lëndëve narkotike. Do të kemi këtë verë një situatë që do të dalë jashtë kontrollit, ashtu sikurse ndodhi në vitin 2016.
