Përballë gazetarëve presidenti Meta u shpreh edhe për dekretimin e e datës së zgjedhjeve të përgjithshme dhe atyre lokale, duke thënë se do të veprojë sipas kushtetutës dhe jo sipas logjikës së ngjarjeve.
Pyetje: A keni besim se me largimin e Dvoranit do të plotësohen më shpejt vakancat në Gjykatën Kushtetuese dhe a do të dekretohet data e zgjedhjeve të përgjithshme, së bashku me datën e zgjedhjeve lokale?
Meta: Lidhur më çështjen e parë. Mua si president, nuk kanë qenë të rëndësishëm individët, por për mua ka qenë vendimtare respektimi i kushtetutës.
Për çështjen e dytë, mendoj që përgjigja është e qartë se presidenti do të veprojë në raport me Kushtetutën, jo si ai do të donte të vepronte me logjikën normale të ngjarjeve apo të zhvillimeve.
E kam thënë se për mua zgjedhjet e përgjithshme dhe ato vendore duhet të ishin mbajtur dje, por unë do të përmbush detyrimet e mia ligjore dhe kushtetuese. Kjo çështje u përket palëve të tjera të interesuara.
Nuk kemi një vendim të Gjykatës Kushtetuese mbi kushtetutshmërinë e zgjedhjeve të fundit vendore megjithatë, nëse të gjitha palët do të arrinin në një marrëveshje politike gjithëpërfshirëse dhe do të mbështetej edhe nga komuniteti ndërkombëtar, dhe do të ishte e pakritikueshme, nuk do të përpiqesha të bëhesha bllokues thjesht për arsye të këtij qëndrimi mjaft të qartë e parimor.
