Në një postim të bërë në Instagram, motra e Ergi Dini, këngëtarja Barbana Dini, e ka kujtuar me mall dhe dhimbje humbjen e të vëllait.
“3 vite pa ty o gjysma shpirtit! 3 vite e humbur,3 vite duke gënjyer veten çdo ditë… Si mundesh të jetosh TI vetëm nëpër kujtime?!”, shkroi Barbana në mesazhin, tre vite pas aksidentit të të vëllait .
Ngjarja ndodhi tre vite më parë, kur në një aksident me motor humbën jetën dy të rinj, Ergi Dine dhe miku i tij Kejdi Halili.
Egi ishte i njohur për publikun si një artist i ri me një zë brilant, i cili u shpall fitues në edicionin e tretë të “X Factor Albania”.
