Në kushtet kur në Shqipëri është rritur ndjeshëm numri i të prekurve me Covid, komiteti i ekspertëve ka vendosur që të shtyjë me një javë rihapjen e transportit publik në vend.
“Sa më sipër, kemi vendosur të mos ketë hapa prapa në strategjinë e rihapjes, por për më shumë siguri, në kushtet aktuale, kemi vendosur të shtyhet për të paktën një javë hapja e transportit publik, si një shërbim me risk të lartë në këtë situatë epidemiologjike”, tha zv.Ministrja e Shëndetësisë, Mira Rakacolli.
