Bashkia e Lezhës publikoi sot pamje nga plazhet e Shëngjinit, ku duket se gjithçka është bërë gati.
Bashkia thotë se për të garantuar sezon të mbarë kanë marrë të gjitha masat e duhura në përmirësimin e infrastrukturës turistike dhe krijimin e kushteve sa më komode për pushuesit
Për shkak të infeksionit të COVID-19, qeveria ka hartuar një protokoll masash që duhet të zbatohen nga operatorët turistikë.
Operatorët turistikë duhet të aplikojnë në platformën e-Albania për ushtrimin e veprimtarisë si stacion plazhi. Kjo është mundësia e vetme për subjektet akomoduese apo të shërbimit për të marrë në përdorim stacione plazhi. Një sistem tërësisht i ri, që garanton sigurinë e jetës, mbrojtjen e shëndetit, duke i dhënë njëherësh fund zaptimit të plazheve publike.
Përmes tij operatorët turistikë mund të kryejnë lehtësisht, pa asnjë kosto, procedurën e aplikimit online në e-Albania, duke ngarkuar dokumentet e kërkuara nga Ministria e Turizmit dhe Mjedisit, në përputhje me 2 faza specifike, duke eliminuar kategorikisht burokracitë, ecejaket dhe ryshfetet.
Subjektet, të cilat do të aplikojnë për leje, duhet të kenë paraprakisht planin e operimit për ushtrimin e veprimtarisë së stacionit të plazhit dhe foto të strukturës akomoduese të tij, dokumente që ngarkohen online në sistem. Afati maksimal për marrjen e shërbimit është 9-12 ditë
