Fakti që jeni me dikë që ju do dhe respekton ju bën shumë entuziastë dhe dëshironi t’i tregoni çdo gjë për atë çka ndjeni të tjerëve.
Ekspertët në bazë të eksperiencave të ndryshme, kanë veçuar disa gjëra që nuk duhet t’i tregoni dikujt për partnerin tuaj.
Sa paguhet
Ky është një informacion shumë personal dhe nuk është mirë që të tjerët të dinë pagën e tij. Nga dëshira për ta ngritur në sytë e të tjerëve arritjet e tij, ju po gaboni duke e thënë këtë gjë.
Është pasionant
Sërish kemi të bëjmë me një informacion shumë personal. Edhe nëse i tregoni miqve të ngushtë, sërish bëni kujdes sepse disa gjëra nuk duhet t’i dinë të tjerët.
Është shumë tërheqës
Pamja e jashtme e dikujt është diçka krejt subjektive. Juve ju duket simpatik, ndërsa për dikë tjetër nuk është i tillë. Mbajeni për vete faktin sa i mirë është si pamje partneri juaj.
Familja e tij është shumë e mirë
Ndoshta ju po thoni të vërtetën, se ashtu mendoni vërtet, por kujdes sepse familja sërish është diçka që nuk ju përket të tjerëve.
Ai vishet shumë bukur
Për ju ai vishet shumë bukur, por nuk është e nevojshme që këtë gjë ta dinë të gjithë.
