Demi është i qëndrueshëm, shenjë e fuqishme sipas këmbënguljes, ambicieve
Mashkulli i lindur në këtë shenjë është i njohur për sinqeritetin e vet. Në marrëdhëniet e tij kurrë nuk ka vend për mashtrime dhe nuk di të gënjejë. Prandaj, nga partnerja e vet e pret të njëjtën gjë.
Dëshiron që në çdo moment e dashura e tij të jetë ashtu siç është, pa gënjeshtra dhe pa hipokrizi, sepse në të kundërtën do të humbë besimin.
Përderisa e kanë quajtur Dem, e ka një arsye. I udhëhequr nga planeti i bukurisë dhe dashurisë, Afërdita, Demi është simbolizim i kënaqësive tokësore, jo më kot pjesa më e ndjeshme e trupit të tij është qiellza. Një shenjë që ka lindur për të shijuar, por ngadalë.
Një Dem ka nevojë të prekë, të provojë dhe vetëm më pas t’i futet me gjithë shpirt. Edhe nëse vetëm për një natë, arti i dashurisë së Demit është si një sonet i Shekspirit.
Një mashkull Dem preferon t’i dalë vetë ballë pengesave dhe problemeve. Dashuron veten dhe e di sesa vlen. Preferon të jetë i rrethuar nga persona të ndryshëm dhe adhuron natyrën.
Është një ëndërrimtar i madh. Udhëton vazhdimisht me mendje në kërkim të stimujve të rinj.
Kur të hyjë në lidhje, mashkulli i shenjës së Demit dëshiron që lidhja të zhvillohet ngadalë, pa presion, sepse nuk dëshiron që të ngutet kur është fjala për dashurinë.
Ai konsideron që çelësi i lidhjes së shëndetshme dhe cilësore qëndron në atë që partnerët njihen ngadalë – hap pas hapi.
Nuk janë të prirë të ndërmarrin iniciativa, por kur vendosin për atë hap, do ta analizojnë mjaft shumë partneren potenciale.
Kur të njihni mashkullin e shenjës së Demit, në shikim të parë do t’ju duket i tërhequr dhe i turpshëm. Mirëpo, kur e njeh vajzën e cila i pëlqen, shpejt lirohet dhe hapet. Atëherë bën çdo gjë që ta pushtojë zemrën e saj.
Është shumë i këndshëm. Kur është i sigurt në ndjenjat e partneres së vet, atëherë është mashkulli më i mirë dhe më besnikë.
Është romantik dhe kënaqet në lidhje të gjata. Andaj, nëse dëshironi lidhje pa obligime, atëherë nuk keni çfarë të kërkoni tjetër…
Ai nuk humb kohë dhe emocione në aventura, por vendimin për hapin e rëndësishëm e hedhin me mendje e jo me zemër, vetëm pasi të kenë analizuar mirë situatën dhe gjendjen socio-financiare të partnerit nga “A deri në Z”.
