Spitalet rajonale dhe universitare në të gjithë vendin hapen sot dhe rifillojnë kryerjen e operacioneve të planifikuara më parë dhe që ishin shtyrë për shkak të pandemisë.
Ministria e Shëndetësisë u bëri thirrje qytetarëve dhe personelit të këtyre institucioneve të ruajnë rregullat e distancimit fizik dhe të të higjienës.
Në mesazhin e saj thuhet:
Për respektimin e distancimit fizik dhe higjienës, qendrat shëndetësore, poliklinikat dhe spitalet kanë përshtatur infrastrukturën e tyre bazuar në rregulla strikte sipas udhëzimeve të protokollit.
Në vijim të planit të rihapjes graduale spitalet rajonale dhe ato universitare, prej ditës së sotme do të vijojnë me rikthimin e ndërhyrjeve të planifikuara.
Ju lutemi respektoni rregullat e distancimit dhe higjienës personale në institucionet shëndetësore, për të shmangur përhapjen e infeksionit COVID-19.
