Në janar të këtij viti Lyrical Son u bë për herë të dytë baba i një vajze, të cilën e pagëzoi me emrin Erika.
Sigurisht që ky ishte një tjetër bekim i madh për reperin dhe partneren e tij, Gresa, dhe Lyrical ka thënë shpesh se ai është shumë i lumtur që është baba i dy vajzave.
Në jo pak raste Lyrical Son publikon në rrjete sociale momente të ndryshme nga përditshmëria me vajzat, duke treguar se ai është një baba shumë i kujdesshëm ndaj tyre.
Së fundmi ai ka postuar një nga imazhet më të ëmbla të vogëlusheve, në të cilën shihen të dyja veshur me fustane në stil princeshe.
Përkrah fotos së Evës dhe Erikës, Lyrical ka shkruar: “Faleminderit Zotit për këto dy zemra që më kanë freskuar jetën”.
Dy vogëlushet kanë ngjashmëri të madhe me njëra-tjetrën, por më e vogla duket se është një kopje e babait të saj në tipare.
