Kjo e diel e tretë e qershorit nuk përkon vetëm me solsticin e verës dhe me eklipsin e Diellit, por është edhe një ditë e veçantë për të gjithë baballarët.
E diela e tretë e qershorit në Amerikë, por edhe në botë, është një ditë e shënuar. Të gjithë urojnë dhe i dedikojnë babait dhurata dhe dedikime unike.
Me siguri, ju keni parë sot gjatë gjithë ditës personazhe të njohur që i kanë dedikuar një mesazh babait të tyre ose personazhe që kanë marrë dhurata nga fëmijët.
Në grupin e fundit është edhe aktori i njohur turk, Burak Özçivit, i cili ka marrë sot një dhuratë që e konsideron si më të bukurën në botë.
Është një vizatim nga djali i tij 1-vjeçar Karan, që e ka bërë të lumtur aktorin në një ditë si e sotmja, ndaj edhe këtë gëzim e ka ndarë në rrjet me të gjithë miqtë virtualë. Ylli i serialit të famshëm “Osmani”, ka shkruar në krah të fotos ku duken qartë vizatimet e para të vogëlushit: “Kjo duhet të jetë dhurata më e bukur në botë” – dhe të gjithë ndjekësit janë të një mendjeje me të.
Ky Karan i vogël ju ngjan edhe juve shumë me të atin? Atëherë, kinemaja turke duhet të jetë gati… edhe vajzat, natyrisht!
