Moderatori i njohur Alban Musa ishte pjesë e diskutimit të sotëm në “Ftesë në 5” me Bieta Sulon, ku shprehu qendrimin e tij kundër mbajtjes së unazës së martesës.
I martuar dhe baba i një vajze, Albani tregoi se asnjëherë nuk i kanë pëlqyer bizhuteritë e florinjta, ndaj kjo është një nga arsyet kryesore pse nuk e ka mbajtur rrethin tradicional.
Sipas tij, vendosja ose jo e një unaze të mirëfilltë martese, nuk është tregues i lumturisë apo besnikërisë në çift, përkundrazi mundësitë për tradhti janë të njëjta në të dyja rastet.
Megjithatë Albani pranoi se edhe pse jo një rreth tradicional martese, unaza që mban në gisht për momentin është dhuratë nga bashkëshortja dhe ka një domethënie për të.
