Andrea Bocelli, tenori i famshëm i operës italiane, ka dhuruar plazmën e gjakut për të ndihmuar në luftimin e koronavirusit pasi zbuloi se ai u sëmur nga virusi në fillim të marsit.
Këngëtari i tha agjencisë italiane të lajmeve ANSA se zbuloi se ishte infektuar me koronavirus më 10 mars kur pati ethe dhe simptoma të tjera të sëmundjes. Ai më vonë i infektoi gruan dhe dy fëmijët.
Bocelli, një nga interpretuesit më të mëdhenj të muzikës klasike në botë, dhuroi gjak në Spitalin Cisanello në Pisa, afër rezidencës Tuscan, ku ai jeton me familjen e tij.
Plazma e gjakut do të përdoret në hulumtim për të zhvilluar trajtime për infeksionin viral.
Këngëtari tha më vonë se simptomat e tij kishin qenë të buta dhe ai praktikisht kishte qenë asimptomatik. Familja e tij ishte rikuperuar dhe gruaja e tij kishte dhuruar gjithashtu plazmën për hulumtime.
Ai iu bashkua artistëve në koncerte të ndryshme, për të ndihmuar në ngritjen e fondeve gjatë kësaj periudhe pandemie.
Për Pashkë, Bocelli ka dhënë koncert recital në katedralen kryesore të Milanos. Performanca e tij u ndoq nga 2.8 milionë persona, duke shënuar kështu rekord për transmetim live të muzikës klasike.
