Bota e kozmetikës së gjelbër po lulëzon bindshëm, kjo për shkak edhe të kërkesave të konsumatorëve gjithnjë e më në rritje. Në fakt, njerëzit po tregojnë ndjeshmëri të lartë në lidhje me mbrojtjen e mjedisit, atë të kafshëve dhe përdorimin e përbërësve të caktuar në produktet e bukurisë. Beatrice Mautino, një shkencëtare e njohur sidomos në fushën e kozmetikës, së fundmi ka publikuar një qëndrim të sajin mbi shkencën e fshehur të kozmetikës, një libër që hyn në çështjen e kozmetikës natyrale ose organike, si dhe plot kapituj të tjerë interesantë kushtuar ngjyrave, rrezeve të diellit, ngjyrosjes, etj.
Certifikatat në lidhje me natyralitetin e përbërësve në kozmetikë “ofrojnë standarde që duhen respektuar e që mund të jenë të ngjashme në përgjithësi, por gjithashtu mund të ndryshojnë në disa pika. Ato zakonisht shkruhen në një mënyrë popullore dhe janë lehtësisht të shkarkueshme në internet. Pulla është sidoqoftë një mjet i dobishëm sepse shmang konsumatorin që të analizojë të gjithë përbërësit në paketë. Ligjet evropiane ndalojnë përbërës të caktuar që konsiderohen të dëmshëm ose të rrezikshëm për shëndetin, ndërsa këto vërtetime ju ndihmojnë të gjeni prodhime kozmetike pa derivate vaji ose pa OMGJ, sepse ato nuk janë në përputhje me dëshirat ose stilin e jetës tonë. Ose, ato janë të dobishme për veganët, të cilët dëshirojnë të sigurojnë mungesën totale të produkteve shtazore.
Si e lexoni etiketën e produktit kozmetik?
U bë një përpjekje për të standardizuar botën e kozmetikës së gjelbër me standardin ISO 16128. Ai krijon udhëzime për llogaritjen e një indeksi të natyralitetit ose biologjisë së njohur nga të gjithë. Nuk ka një listë të zezë të përbërësve të ndaluar siç ndodh në certifikime, por merren parasysh të gjithë përbërësit e pranuar ligjërisht nga rregulloret, të cilave u jepet një vlerë, e cila përmes një llogaritje përfundimtare tregon një indeks të natyralitetit të produktit. Është një standard që përdoret akoma pak, kështu që këtu është një përmbledhje e vogël e çertifikatave kryesore që kanë të bëjnë me kozmetikën natyrale, organike dhe vegane që mund të gjenden në dyqane të ndryshme, si: Natrue, Cosmos, Ecobio dhe Cosmesi Naturale.
