Këngëtarja e njohur, Mihrije Braha, ishte pasditen e djeshme e ftuar në emisionin “Ftesë në 5”.
Gjatë intervistës ajo zbuloi se si i ka shkuar periudha në karantinë me bashkëshortin, Naim Abazi dhe djalin e tyre.
Madje Mihrije nuk ngurroi që të tregonte edhe një zënkë që ka ndodhur mes tyre gjatë izolimit në shtëpi, si pasojë e Covid-19.
Në një moment Naimi i kishte bërtitur për çajin e përgatitur dhe këngëtarja i është kthyer: “Mos ma ngri mua zërin!”.
Teksa tregonte këtë ngjarje duke qeshur, Mihrije shton se pavarësisht sherreve që janë normale në një martesë, dashuria mes tyre nuk ka munguar në asnjë moment.
