Duke sjelle shembujt e rritjes se rasteve sidomos ne Serbi, Maqedoninë e Veriut dhe Shqipëri specialistet greke paralajmërojnë se ndoshta duhet shqyrtuar edhe mbyllja e përkohshme e kufijve me vendet e Ballkanit.
Duke folur tek kanali privat SKAI për rrezikun nga mbërritja e turistëve në Greqi, Charalambos Gogos , patolog dhe specialist i sëmundjeve infektive, njëkohësisht anëtarë i komisionit të specialistëve për pandeminë ka shprehur shqetësimin e tij në lidhje me turistët e ardhur nga Serbia, por edhe me personat që vijnë nga Shqipëria.
“Vendet fqinje me ne janë më të rrezikshmet. Psh nga Shqipëria kishim edhe raste nga greke që shkuan atje edhe në Patra trajtuam ne spital pacient që shkoi në Shqipëri dhe është në gjendje serioze ndërsa edhe familjaret janë gjetur positive. Ka të dhëna që po vijnë raste të prekurish nga Shqipëria. Kemi edhe problemin e punëtorëve sezonale që vijnë nga Shqipëria. Por Serbia është problem kryesor në këto momente. Dhe vlerësoj se duhet të mbeten të mbyllura kufijtë deri ne 15 korrik siç është vendosur .”
Gjithsesi jo vetëm specialistët por edhe zyrtarët e qeverisë që e shohin si mundësi mbylljen totale të kufijve tokësore ballkanike, shprehen se kjo masë ekstreme do të merret vetëm në rast të një rritje kolosale të rasteve. Problematika e re është edhe karantinimi I të gjithë personave që gjenden pozitive nga turistët që mbërrijnë pasi kërkohen kushte specifike .
Shqetësim ka pasur në rastin e disa turistëve që u testuan dhe dolën positive në ishullin e Thasos në verilindje të Greqisë dhe në Kavala, pasi të gjithë ishin asimptomatikë, ndërsa nuk dihet se me sa persona të tjerë kanë kontaktuar.
I njëjti shqetësim I organeve shëndetësore edhe në Evia me një grup turistesh nga Serbia. Vlen të përmendim se ditët e fundit thuajse 60% e rasteve të të prekurve që deklarohen në Greqi janë turistë.
Vëmendje të veçantë I kushtojnë specialistet të vetmes pikë të kufijve tokësore e hapur për turistet europianë ,në Promahona ku zhvillohen shumë teste dhe kjo ka sjellë përkohësisht përkufizim të rasteve , por me mbërritjen e me shumë turistëve edhe nga rrugët ajrore , do të jetë e pamundur të mbahet nën kontroll situata.
Deri të martën në mbrëmje në Greqi numri I rasteve ka shkuar ne 3589, numri I viktimave mbetet ende I ulët, 193, vetëm 10 persona trajtohen me terapi intensive. Ndërsa është për tu theksuar fakti se për të 9 ditë nuk regjistrohet ne vend asnjë viktimë nga virusi vdekjeprurës.
