Kur jeni të dashuruar dhe keni një marrëdhënie të shëndetshme, nivelet e ankthit ulen dhe kjo është e vërtetuar shkencërisht. Ju madje mund të filloni të dukeni më mirë ose të ndjeni më pak stres në punë. Përqafimi dhe puthja prodhojnë ndjesi qetësi, sigurie dhe kënaqësie.
Të qenit i dashuruar ju ndihmon në jetë, mirëpo çfarë duhet të dini më shumë për dashurinë e vërtetë?
Dashuria është ndash jo vetëm momentet e bukura, por edhe ato të këqijat
Dashuria romantike mund të zgjasë dhe studimet e vërtetojnë këtë gjë. Por gjëja kryesore është një veprim nga ju dhe për ju. Dashuria është si folje, jo si emër. Ju nuk mund të argëtoheni gjatë gjithë kohës me partnerin, sepse ka ditë që nuk jeni në humor dhe ai duhet ta kuptojë këtë gjë. Nëse partneri juaj ju shikon vetëm si një objekt argëtimi gjithë kohën, mund t’ju shkatërrojë psikologjikisht.
Dashuria e vërtetë është një veprim
Dashuria e vërtetë gjithashtu përfshin kalimin nëpër faza të këqija. Është një gjë e zakonshme të ndiheni të vetmuar ndonjëherë në marrëdhënien tuaj, sipas psikologëve. Nëse të dy e doni njëri-tjetrin, përpiqeni të punoni për të shmangur çdo keqkuptim. Për shembull, në marrëdhënie afatgjata, disa çifte përpiqen të vizitojnë një psikolog ose të përpiqen të bisedojnë më shumë me njëri-tjetrin për të zgjidhur problemin e vetmisë.
Ju të dy i dini kufijtë e njëri-tjetrit dhe i respektoni ato
Një marrëdhënie dhe dashuri e shëndetshme kanë gjithmonë kufijtë e tyre. Është si një marrëveshje e caktuar mes jush, ku askush nuk përpiqet të jetë “diktatori”. Nëse komunikimi juaj bazohet vetëm në argëtim, herët a vonë do të ketë një problem. Në një marrëdhënie të shëndetshme, duhet të flisni dhe të mos keni frikë të thoni diçka kur mendoni se dikush po i tejkalon kufijtë e tyre. Të hapësh diskutime, tregon se të dy keni respekt për njëri-tjetrin. Terapisti Bridget Levy shprehet se është e rëndësishme të dini se kufijtë që përdorin fjalët “gjithmonë” ose “kurrë” nuk funksionojnë. Sigurisht, ju duhet të jeni specifik dhe i drejtpërdrejtë, por përdorimi i fjalëve të duhura është thelbësore. Nuk ka vend për të ndaluar gjërat, përkundrazi duhet të zgjidhni një bisedë më konstruktive.
Ju ndani një koncept të përbashkët se çfarë është dashuria e vërtetë
Ju mbështesin njëri-tjetrin, kaloni kohë cilësore së bashku, falni dhe vlerësoni njëri-tjetrin. Për të gjitha çiftet, interesat dhe koncepti i tyre i dashurisë mund të jenë të ndryshme: disa mund të preferojnë të udhëtojnë, ndërsa çifte të tjera preferojnë të qëndrojnë në shtëpi. Është studiuar gjithashtu se koncepti i dashurisë mund të ndryshojë në çift. Gjatë vitit të parë, nivelet e serotoninës kthehen në normale, dhe aspektet “obsesive” bëhen më të moderuara. Kështu që dashuria bëhet më e qetë dhe më e pjekur.
Dashuria do të thotë qëllime dhe dëshira të përbashkëta
Harmonia është një gjë shumë e vështirë për të ndërtuar dhe arritja e qëllimeve të përbashkëta mund ta ndihmojë atë. Por ka disa pika që nuk duhet t’i harroni, sipas psikologëve. Së pari, sigurohuni që të jeni specifik dhe realist në atë që dëshironi. Së dyti, mos harroni të festoni suksesin tuaj së bashku.
