Miqtë e Princ Harry-t dhe Meghan Markle po u japin atyre këshilla për shkollën më të mirë për djalin 1-vjeçar, Archie-n.
Duka dhe Dukesha e Sussex thuhet se kanë folur në shkolla private në zonën West Hollywood të Los Angeles.
Tarifat zakonisht mund të kushtojnë rreth 30,000 paund (33,370 euro) në vit. Shkolla e vjetër e Harry, ‘Eton’ kushton rreth 42,000 paund (46718 euro). Ndërsa Meghan ndoqi shkollën e Lartë ‘Immaculate Heart High’ në Los Angeles, një shkollë private vajzash katolike.
Një burim tha: “Meghan dëshiron ta dërgojë Archie në një shkollë të larmishme dhe të integruar shoqërore. Ajo ka qenë në kontakt me shkollat dhe ka filluar të bëjë plane. Për të, shqetësimi më i madh është që nuk dëshiron që Archie të marrë pjesë në një shkollë private.”
Ky lajm vjen pasi raportet se Princi Harry dhe Meghan mbrohen nga roje që paguhen deri në 7,000 paund në ditë.
Një ekip që vëzhgon çiftin dhe djalin Archie është caktuar nga Gavin de Becker, 65 vjeç, një ish shef sigurie për Presidentin Ronald Reagan. Firma e tij ‘GDBA’ krenohet që ndihmon ‘CIA’ dhe ‘FBI’.
Ai pretendon se mbron mijëra klientë, përfshirë “mbi 90 nga familjet më të shquara në botë dhe individët në rrezik”.
Një burim i tha Sunday Mirror: “Harry dhe Meghan kanë besim të plotë në firmën e de Becker. Ata janë firma më e madhe e sigurisë në LA dhe deri tani më e respektuara. Nuk janë të lirë, por nëse dëshironi më të mirën, duhet të paguani për të”.
