Rregullimi i shtratit për disa është një ‘sport olimpik’, pasi hasin në shumë vështirësi gjatë rregullimit të tij.
Por, rezulton se ka një mënyrë shumë më të thjeshtë për të rregulluar shtratin.
Ekspertët në Yorkshire Linens kanë ndarë metodën e tyre, e cila premton të marrë më pak se 60 sekonda nga koha juaj. Ata e krijuan këtë veprim në vitin 2013 dhe që atëherë po kursen kohën e shumë personave.
Është e thjeshtë për ta mësuar dhe në thelb është e lehtë për t’u përdorur. Ju rrokullisni jorganin para se ta vendosni brenda çarçafit. Për ta provuar, filloni duke shtruar çarçafin e zbrazët të jorganit në shtratin tuaj, pastaj rrotullojeni jorganin drejt jush derisa të keni një cilindër.
Atëherë duhet ta vendosni brenda çarçafit dhe zakonisht është më e lehtë të bësh njërën anë në një kohë. Pasi të jetë brenda, merrni dy qoshet më të afërta dhe vendosini në qoshet përkatëse të jorganit. Kapeni çdo cep me jorganin brenda dhe shkundni atë, gjë që do të bëjë që jorgani të zë vend brenda çarçafit.
Ju mund të keni nevojë ta rregulloni paksa për të siguruar që secili skaj të shkojë me lehtësi në cepin e vet, atëherë thjesht mbërtheni pullat dhe keni mbaruar punë.
Kjo duhet të zgjasë më pak se një minutë, por ju duhet të keni nevojë ta praktikoni atë disa herë para se ta zotëroni me shpejtësi.
