Sonte në Sevilla të Spanjës është mbajtur evenimenti i ‘MTV Europe Music Awards 2019’.
Në mesin e fitueseve të çmimeve për këtë vit është edhe këngëtarja shqiptare Ava Max.
Ajo ka fituar çmimin për ‘depërtimin e vitit’, në konkurrencë me Billie Eilish CNCO, H.E.R., Jade Bird, Juice WRLD, Kiana Ledé, Lauv, Lewis Capaldi, Lizzo, Mabel dhe Rosalia.
25-vjeçarja hyri në këtë garë me dy nominime – për artisten e re më të mirë dhe për depërtimin e vitit, të cilën edhe e fitoi.
Edhe një tjerë shqiptare e njohur ishte pjesë e kësaj gare, Beba Rexha, e nominuar për çmimin bashkëpunimi më i mirë me The Chainsmokers për këngën “Call You Mine”.
Fituese në këtë garë u shpall Rosalia, J Balvin ft. El Guincho me këngën “Con Altura”, derisa në garë ishin edhe Shawn Mendes dhe Camila Cabello me këngën “Señorita”.
Çmimet u ndanë për garën videoja më e mirë, ku fitoi Taylor Swift ft. Brendon Urie of Panic! At The Disco “ME!”, derisa artisti më i mirë u zgjodh Shawn Mendes.
Kënga më e mirë u shpall “Bad Guy” e Billie Eilish, e cila ishte në garë të fortë me Lil Nas X ft. Billy Ray Cyrus me këngën “Old Town Road” (Remix), Post Malone dhe Swae Lee me “Sunflower” dhe Shawn Mendes dhe Camila Cabello me këngën “Señorita”.
Çmimin si këngëtarja më e mirë në zhanrin pop e fitoi Halsey, e cila ishte në garë me Ariana Grande, Becky G, Camila Cabello, Jonas Brothers dhe Shawn Mendes.
Në këtë garë u ndan edhe çmimet për rokerin më të mirë që u shpall Green Day, Nicki Minaj për hip-hop, për interpretimin më të mirë Live çmimin e mori BTS.
Çmimi për alternativën më të mirë i takoi FKA Twigs, për elektronikë Martin Garrix dhe për dukjen më të mirë këngëtarja Halsey.
