Këtë javë, nëna blogere Constance Hall ka ndarë disa prej teknikave të saja me prindërit tjerë.
Në ueb sajtin “Mamamia”, Constance ka pranuar se i lejon fëmijët të hanë me duar.
Përveç kësaj, ajo ka treguar edhe diçka që disa tjerëve u është dukur e çuditshme: ajo i pastron 6 fëmijët e saj vetëm tri herë në javë.
“Ata nuk kanë nevojë të pastrohen apo të bëjnë dush çdo ditë”, ka deklaruar ajo.
Ajo gjithashtu ka thënë se mos pastrimi i fëmijëve nuk do t’i vret ata, e kjo gjë patjetër se është e vërtetë.
Por, sa shpesh duhet fëmijët të pastrohen në të vërtetë?
Akademia Amerikane e Dermatologjisë rekomandon që fëmijët të pastrohen apo të bëjnë dush të paktën një apo dy herë në javë.
Kjo deklaratë është e hapur për interpretim, por implikon se nuk duhet të brengoseni edhe aq shumë për t’i pastruar fëmijët.
Këto udhëzime janë për fëmijët e moshës 6-11 vjeç dhe qëndrojnë për ata të cilët nuk zhyten çdo ditë dhe që nuk kanë sëmundje të lëkurës.
Kjo arsyetohet me faktin se trupi i fëmijëve nuk prodhon aromë në këtë moshë aq shumë sa i të rriturve.
Sa u përket bebeve, ekspertët anglezë rekomandojnë që mos të pastrohen çdo ditë sepse kanë lëkurë delikate dhe dushi i tepërt mund t’ua thajë atë.
