Angelina Jolie ndau mendimet e saj për racizmin sistematik si nëna e fëmijëve të birësuar me ngjyrë.
Aktorja e “Maleficent” iu drejtua tensionit dhe protestave të vazhdueshme racore në SHBA që u nxitën nga vdekja e George Floyd ndërsa ishte në paraburgim të policisë. Që atëherë, demonstratat janë shfaqur në të gjithë vendin ndërsa njerëzit bëjnë thirrje për reformë policore dhe nxjerrin në pah racizmin sistematik.
Duke folur për revistën britanike Harper’s Bazaar për këtë çështje, Jolie përmendi vajzën e saj 15-vjeçare, Zahara, të cilën e birësoi nga lidhja me ish-bashkëshortin Brad Pitt, dhe se si shqetësohet nëse sistemi do ta keqtrajtojë në ndonjë moment.
“Ka më shumë se 70 milionë njerëz që u është dashur të largohen nga shtëpitë e tyre në të gjithë botën për shkak të luftës dhe persekutimit – dhe ka racizëm dhe diskriminim në Amerikë,” tha Jolie.
“Një sistem që më mbron mua, por që nuk mund të mbrojë vajzën time – ose ndonjë burrë, grua ose fëmijë tjetër në vendin tonë bazuar në ngjyrën e lëkurës – është e pa tolerueshme”, ka shtuar ajo.
Aktorja, e cila shërben si emisar special i komisionarit të Lartë për Refugjatët për Kombet e Bashkuara, foli drejtpërdrejt për protestat, duke lavdëruar organizatorët për luftën për ndryshime.
“Njerëzit janë të lodhur me justifikimet përballë përgjigjeve jo adekuate të pushtetit. Ata ndihen sikur bota po zgjohet, dhe njerëzit po detyrojnë një vlerësim më të thellë në shoqëritë e tyre,” tha Jolie e pyetur nëse sheh ndonjë gjë inkurajuese nga ky moment historik.
“Është koha për ndryshime në ligjet dhe institucionet tona – duke dëgjuar ata që janë prekur më shumë dhe zërat e të cilëve janë përjashtuar,” është shprehur Jolie.
