Roy Horn, njëri anëtar i tandemit Siegfried dhe Roy, ka vdekur në moshën 75 vjeçare pas infektimit me koronavirus.
Horn dhe bashkatdhetari i tij gjerman, Siegfried Fischbacher, ishin të njohur për përfshirjen e tigrave të bardhë dhe kafshëve të tjera në skeçet e tyre, shkruan BBC.
Ata së pari punuan në Las Vegas në 1967, dhe në 1990 filluan të performojnë në ‘Hotel Mirage’ ku punuan gati 14 vjet.
Horn u detyrua të ndalonte së performuari në vitin 2003 pasi një tigër e kishte sulmuar atë gjatë një prej shfaqjeve të tyre.
“Sot, bota ka humbur një nga më të mëdhenjtë e magjisë, por unë kam humbur mikun tim më të mirë,” tha Z. Fischbacher në një deklaratë. “Që nga momenti kur u takuam, unë e dija se Roy dhe unë, së bashku, do ta ndryshonim botën”.
