Këngëtari i njohur i skenës tonë muzikore, Blero Muharremi dhe partnerja e tij, Afrona Dika, padyshim se ishin një nga çiftet më të përfolura gjatë këtij viti.
Dasma e tyre luksoze e organizuar në Shëngjin, më 21 shtator, mori vëmendjen e të gjithëve, duke u cilësuar si një nga më të veçantat nga VIP të realizuara deri më tani.
Kështu, artisti shqiptar dhe bashkëshortja e tij sot kanë udhëtuar drejt Shteteve të Bashkuara të Amerikës për të filluar muajin e mjaltit.
Dyshja kanë përzgjedhur të shijojnë bukuritë përrallore të Hawaii-t, të cilët po ashtu nuk kanë ngurruar që të ndajnë momente të veçanta me ndjekësit e tyre në rrjete sociale.
Timbers Kauai Ocean Club and Residences titullohet hoteli luksoz që çifti kanë zgjedhur, e që siç shihet ka një kosto mjaft të lartë të qëndrimit, bazuar edhe në pamjen e tij të mahnitshme.
Përveç ceremonisë përrallore, Blero këtë vit ka qenë mjaft i përkushtuar edhe në karrierë, i cili solli albumin “6 copë jetë”, e së fundmi edhe katër bashkëpunime me emra të mëdhenj të estradës përfshirë, Sabri Fejzullahun, Kaltrina Selimin, Burak Vehapin dhe Leonora Jakupin.
