Ambasadori amerikan në Itali Lewis Eisenberg ua ka kthyer sot autoriteteve italiane kokën e statujës, e cila u vodh nga një vend arkeologjik në Romë në vitin 1968 dhe arriti në koleksione private.
Eisenberg ia dorëzoi kokën e mermertë të figurës mitike Pan ministrit të Kulturës Darius Franceschini, në 50-vjetorin e themelimit të karabinierëve, si një nga katër krahët e Forcave të Armatosura Italiane, kushtuar pikërisht kthimit të objekteve kulturore.
Hetuesit specialë të karabinierëve zbuluan një kokë mermeri në një katalog nga një ankand në Kaliforni më 2016 dhe njoftuan homologët e tyre amerikanë.
Atasheu amerikan Armando Astorga tha se një pjesë e statujës u soll në Shtetet e Bashkuara në mesin e viteve 2000, pasi ishte në pronësi private në Evropë për vite me radhë.
Hetimi ende nuk ka përcaktuar se kush ishte “hajduti origjinal”, shkruan AP.
