Zjarri i rënë që prej ditës së hënë në pyjet e njësisë administrative të Zejmenit në Lezhë ka kaluar në territorin e bashkisë Mirditë. Flakët janë përhapur në pyjet e fshatit Katund i Vjetër në Rubik.
Zjarrfikësit janë vendosur në zonën e banuar, pasi ndërhyrja është e pamundur për shkak të terrenit të thyer malor. Nga ky zjarr në zonën e Lezhës janë djegur më shumë se 3 hektarë pyll me drurë dhe shkurre.
