Pique i ka befasuar të gjithë, por ndoshta ka folur realitetin.
Pas barazimit 0-0 me Sevillën, Barcelona ia ka dhënë mundësinë Realit që të rrëmbejë kreun në La Liga.
Këtë edicion disa herë Barça ka qenë liderë, por nuk ka arritur ta mbajë shumë pozitën e parë dhe pikërisht për këtë, Gerard Pique thotë se do të jetë e vështirë që të fitojnë La Ligën.
“(Titulli) nuk varet më nga rezultatet tona”, u shpreh Pique, pasi Reali tani ka tri pikë më pak dhe nëse fiton të dielën, mund të rrëmbejë pozitën e parë.
“Do të jetë e vështirë që të fitojmë këtë ligë. Do të bëjmë gjithçka që është e mundur”.
“Por, nga ajo që kam parë për javë të tëra, do të ishte befasi që Real Madridi të lëshojë pikë”.
