Shefja e diplomacisë evropiane, Federica Mogherini do të zhvillojë sonte në Bruksel një darkë pune me liderët e Ballkanit Perëndimor. Mësohet se të janë ftuar janë udhëheqësit e të gjashtë vendeve të Ballkanit Perëndimor si presidenti i Kosovës, Hashim Thaçi, presidenti i Serbisë, Aleksandar Vuçiq, kryeministri i Maqedonisë së Veriut, Zoran Zaev, kryeministri i Shqipërisë, Edi Rama, presidenti i Malit të Zi, Millo Gjukanoviq, dhe anëtarët e presidencës trepalëshe të Bosnjës: Zhelko Komshiq, Millorad Dodik dhe Shefik Xhaferoviq. Zyra e presidentit të Kosovës, Hashim Thaçi kanë konfirmuar për Telegraf pjesëmarrjen e tij në këtë darkë punë. Kujtojmë që ky është takimi i parë pas refuzimit të Këshillit të Europës për hapjen e negociatave të anëtarësimit të Shqipërisë dhe Maqedonisë së Veriut në BE. Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!
