Gjyqi ndaj ish-ministrit Saimir Tahiri është ndjekur pa ndërprerje edhe nga përfaqësues të ambasadës së SHBA në Tiranë.
Përfaqësueset e SHBA, janë larguar nga Gjykata e Krimeve të Rënda pas largimit të Saimir Tahirit, në orët e vona të mbrëmjes.
Përfaqësueset e Amerikës kanë ndjekur nga afër procesin dhe shpalljen e vendimit nga trupa gjykuese. Ato u larguan pasi situata përpara gjykatës ishte qetësuar disi.
Gjykata e Krimeve të Rënda vendosi të dënojë ish-ministrin për shpërdorim detyre me 5 vite burg.
Denimi u reduktua në 3.4 vjet heqje lirie si pasojë e gjykimit të shkurtuar dhe u konvertua në shërbim prove për një periudhë 3 vjeçare.
