Kosova si gjithmonë është gurrë e pashtershme e futbollistëve të talentuar.
Në periudha të ndryshme ka pasur emra të mëdhenj të futbollit në vendin tonë dhe që kanë lënë gjurmë.
Abdyl Bellopoja ka qenë prej futbollistëve më të mirë që ka pasur Kosova, i cili me sukses ka luajtur për gjeneratën e artë të Prishtinës, kur garonte në ligën e parë ish jugosllave në vitet e 80-ta, pastaj edhe në ligën e dytë.
Sot Abdyli me djalin e tij, Albani, e kanë shkollën e futbollit ‘ AB FOOTBALL në Prishtinë.
Babë e djalë punojnë pareshtur, gjithnjë në kërkim të talenteve të mëdhenj të kësaj loje.
Abdyl Bellopoja ka pasur karrierë të shkëlqyeshme, në Flamurtar të Prishtinës, Buduçnost të Pejës, Cërvena Zvezdë të Gjilanit, KF Prishtina, në Shibenik etj.
