Rep-artisti Agon Amiga ka kohë që ka qëndruar larg mediave e po ashtu edhe nga industria muzikore. Pas një pauze të gjatë, reperi ka vendosur të rikthehet, por kësaj radhe me një bashkëpunim.
“Tjetra me vëllanë tim K-Albo”, ka shkruar reperi në përshkrimin e fotografisë që e ka ndarë me ndjekësit e tij.
Në rrjetin social Instagram, ai ka postuar një fotografi së bashku me reperin K-Albo duke paralajmëruar bashkëpunimin e radhës.
Edhe projekti i tij i fundit, i realizuar para një viti ishte në bashkëpunim. Asokohe Agon Sylejmani kishte ardhur ne duet me Cozmanin.
Për duetin e radhës, Amiga nuk ka shpalosur detaje të reja, por që fansat e tij kanë shprehur dëshirën që kënga të publikohet sa më shpejt të jetë e mundur.
