Një qen i ushtrisë amerikane, i kthyer në simbolin e sulmit të suksesshëm kundër liderit të grupit Shteti Islamik (ISIS), Abou al-Baghdadi, do të pritet javën e ardhshme në Shtëpinë e Bardhë, deklaroi presidenti Donald Trump.
Miliarderi republikan ka botuar tashmë foto të qenit, që, sipas shefit të Shtabit të Ushtrisë amerikane, ka bërë shërbime të jashtëzakonshme gjatë sulmit ku mbeti i vrarë al-Bagdadi.
Donald Trump shpjegoi se qeni do të pritet në Shtëpinë e Bardhë dhe konfirmoi raportimet e shtypit, sipas të cilave emri i qenit ishte Conan.
Gjithashtu, ish-biznesmeni njujorkez ka publikuar në rrjetin e tij të preferuar social një fotomontazh të tij duke i dorëzuar atij Medaljen e Nderit, çmimin më të lartë ushtarak të SHBA-së.
Thank you Daily Wire. Very cute recreation, but the “live” version of Conan will be leaving the Middle East for the White House sometime next week! https://t.co/Z1UfhxsSpT
— Donald J. Trump (@realDonaldTrump) October 31, 2019
