Ndeshja e të dielës, Kosovë – Angli, ka tërhequr vëmendjen e madhe jo vetëm të opinionit në Kosovë, por edhe atij botëror.
Mikpritja e jashtëzakonshme e popullit të Kosovës ndaj tifozëve të shumtë anglezë, por edhe flamujt dhe pankartat për mirëseardhjen e Tre Luanëve kanë bërë që Kosova të jetë në qendër të vëmendjes nga mediat britanike.
Ndërkohë, organizimi i ndeshjes është duke shkuar në mënyrën më të mirë të mundshme – thuhet në një njoftim të FFK-së.
Derisa me praninë e tij këtë ngjarje do ta nderojë edhe violinisti i njohur shqiptar, anëtar i Filarmonisë së Vjenës, Shkëlzen Doli, i cili do të bëjë interpretimin e himneve në ndeshje, gjë e cila pa dyshim do të jetë emocionuese.
Kosova është nikoqire e Anglisë në stadiumin “Fadil Vokrri” në Prishtinë, të dielën me fillim nga ora 18:00.
