Airbnb, Lyft dhe Uber po largojnë mijëra punonjës të tyre nga puna për shkak të pandemisë së vazhdueshme të koronavirusit. Sipas një raporti nga The Guardian, firmat e mëdha të teknologjisë po njoftojnë punëtorët e tyre për largimet nga puna pasi kriza ekonomike nga koronavirusi ka mbërritur në Silicon Valley.
Uber u bë kompania e fundit që raportoi për largimet nga puna të mërkurën, më 6 maj, duke zbuluar se 3.700 të punësuar do të humbin punën e tyre. Raporti është paraqitur në Komisionin e Sigurimeve dhe Shkëmbimeve në SHBA.
Sipas The Guardian, Uber ka hequr dorë nga 14% të fuqisë së saj globale të punës. Në sqarimin e saj Uber tha se pandemia e shkaktuar nga COVID-19 kishte ndikuar në tërë biznesin e saj, duke përfshirë investimet në produkte të reja, strategjinë korporative, si dhe aftësinë për të tërhequr shoferë të rinj dhe performancën e saj financiare.
Njoftimi i Uber u pasua nga kompani të tjera të teknologjisë duke deklaruar se ata gjithashtu do të pushojnë nga puna disa prej punonjësve të tyre gjatë krizës pandemike. Lyft, rivali më i madh i Uber, njoftoi se do të pushojë 982 anëtarë të stafit të saj nga puna bashkë edhe me 288 të tjerë për të cilët tha se do t’i largojë, javën e kaluar.
Airbnb njoftoi javën e kaluar se do të pushojë nga puna 25% të stafit të saj i cili pritet të arrijë në 1.900 punonjës. Juul, kompani e cigareve elektronike, tha në prill se do të transferojë selinë e tij në Washington DC, duke larguar 800 punonjës të saj. Nga ana tjetër, Yelp raportoi muajin e kaluar se do të pushojë nga puna 1.000 punëtorë.
Marsin e kaluar, WeWork njoftoi se do të pushojë nga puna disa nga punëtorët e nga puna, duke pritur që 250 punonjës të humbin punën e tyre deri në fund të majit.
